Aýyl sharýashylyǵy mınıstri Erbol Qarashókeev Qostanaı oblysyna shegirtkege qarsy kúres boıynsha qabyldanyp jatqan sharalardy baqylaý úshin bardy. Aqtóbe oblysynda 8 shildeden bastap aýyl sharýashylyǵy vıse-mınıstri Ábilhaıyr Tamabek júr, dep habarlaıdy.
Qostanaı jáne Aqtóbe oblystarynda shegirtkelerdiń eki túri keń taralǵan: ıtalıalyq prýs jáne azıalyq shegirtke.
9 shildedegi jaǵdaı boıynsha, Qostanaı oblysynda shegirtkelerden aryltýǵa josparlanǵan 422,9 myń gektar jerdiń 356 myń gektaryna tıisti jumystar júrgizildi. Oblystyń 10 aýdanynda jáne Arqalyq qalasynda shegirtkeni joıý júrgizildi.
Aqtóbe oblysynyń aýmaǵynda 9 shildedegi jaǵdaı boıynsha 667,865 myń ga jer, onyń ishinde ıtalıalyq prýsqa qarsy 646,965 myń ga nemese jalpy óńdelmek jerdiń 99,97%-y, azıalyq shegirtkege qarsy 20,9 myń ga nemese jalpy óńdelmek jerdiń 95,5%-y óńdelgen.
Jergilikti jerlerde jumysty úılestirý úshin oblys ákimderi orynbasarlarynyń basshylyǵymen jedel shtabtar quryldy.
Hımıalyq óńdeýlerdi júrgizý úshin Qostanaı oblysynda 9 jeldetkishi bar sepkish, 3 ushaq, 6 deltaplan, 13 aerozoldi gaz generatory jumyldyryldy.
Aqtóbe oblysynda 56 arnaıy sepkish tehnıka, onyń ishinde 19 jeldetkishi bar sepkish, 19 aerozoldi gaz generatory, 8 asa jeńil avıasıa kemesi jáne 10 ushaq bar.
Jalpy respýblıka boıynsha ıtalıalyq shegirtkege qarsy óńdeý 1,2 mln gektarǵa nemese 92,3%-ǵa júrgizildi.
Jumystar Almaty, Atyraý, Shyǵys Qazaqstan, Jambyl, Jetisý, Batys Qazaqstan, Qaraǵandy, Qyzylorda jáne Pavlodar oblystarynda tolyq aıaqtaldy.
Jalpy óńirler boıynsha monıtorıń jáne tıisti is-sharalar jalǵasýda.
Pikir qaldyrý