Qazaqstan men Reseı arasyndaǵy reıster men baǵyttar sany artady. Bul týraly Qazaqstan Respýblıkasy Premer-Mınıstriniń birinshi orynbasary Roman Sklár men Reseı Federasıasy Úkimeti Tóraǵasynyń orynbasary Vıtalıı Savelevtiń kezdesýi kezinde belgili boldy.

Kezdesý barysynda Qazaqstan men Reseıdiń iri qalalary arasyndaǵy iskerlik jáne týrısik trafıktiń ósip kele jatqanyn eskere otyryp, áýe reısteriniń sanyn ulǵaıtý perspektıvalary talqylandy.

Sonymen qatar, taraptar temirjol jáne avtomobıl kóligi, azamattyq avıasıa, onyń ishinde jolaýshylar jáne júk tasymaly, jol-kólik ınfraqurylymyn jańǵyrtý, sondaı-aq halyqaralyq kólik dálizderin damytý salalaryndaǵy ózara is-qımyldyń joǵary deńgeıin rastady.

Kezdesý qorytyndysy boıynsha taraptar Qazaqstan-Reseı shekarasyndaǵy avtomobıl ótkizý pýnktteriniń jumysyn birlesip tekserýge kelisti.