Eki Fransıa azamaty Baıqońyr ǵarysh aılaǵynyń aýmaǵyna zańsyz kirýge tyrysqan. Jolda aptap ystyqtan olardyń biriniń jaǵdaıy nasharlap, qaza tapqan. 

Olar Baıqońyrdaǵy "Býran" ǵarysh kemesin kórgisi kelgen. Ekinshi fransýz dosyna kómek shaqyrý úshin jolǵa qaraı júgirgen. Alaıda bul kezde onyń dosy shól qysyp mert bolǵan. Baıqońyrda bul kezde aýa temperatýrasy +36 gradýs bolǵan.

Aıta keteıik, buǵan deıin de birneshe ret týrıser "Býran" ǵarysh kemesin kórý úshin Baıqońyrǵa zańsyz kirýge tyrysqan faktiler tirkelgen. 2022 jyldyń mamyrynda №112 ushyrý alańynyń janynda Ulybrıtanıa azamaty Bendjamın Rıch pen Belarýs azamaty Alına Zelýpa, al 2023 jyldyń qyrkúıeginde Ispanıadan kelgen úsh týrıs ustaldy.

Ustalǵan týrıserge ákimshilik aıyppul salynady. Alaıda eki fransýzdyq ǵımaratqa kirýge tyryspaǵan tek sýretke túsirýdi kózdegen. Alaıda jaǵdaı qaıǵyly oqıǵamen aıaqtaldy.

Eske sala keteıik, "Býran" – KSRO kezinde qurastyrylǵan ǵarysh kemesi.  Ol "Baıqońyr" zymyran-ǵarysh kompanıasy" aksıonerlik qoǵamynyń menshiginde, ıesi – qazaqstandyq bıznesmen Dáýren Musa.