Ózbekstanda Qurban aıt merekesi 16 maýsymda bastalady. Soǵan oraı, el turǵyndary 4 kún qatarynan demalady. Bul týraly "Qurban aıt merekesin toılaý" týraly el prezıdentiniń qaýlysynan belgili boldy. 
Qujatta jazylǵandaı, Qurban aıttyń birinshi kúni – 16 maýsym jeksenbige sáıkes keletindikten, demalys dúısenbi – 17 maýsymǵa aýystyrylady. Oǵan qosa, Ózbekstan prezıdentiniń 2024 jyly resmı datalardy merekeleý kezindegi qosymsha demalys kúnderin belgileý týraly 2023 jyly jeltoqsanda qabyldanǵan jarlyǵyna sáıkes, 17 maýsym qosymsha demalys kúni bolyp esepteledi. 

Sáıkesinshe, ózbekstandyqtar 15-18 maýsym aralyǵynda demalady.

Ótken jyly, el halqy bul merekede 5 kún qatarynan demalǵan bolatyn.