Qarjylyq monıtorıń agenttigi "Áýejaı-Astana" keden beketi men DHL kýrerlik kompanıasynyń qyzmetkerlerimen birlesip, Taılandtan halyq tutynatyn taýarlary túrindegi poshta sálemdemeleri arqyly asa iri mólsherde kelgen esirtki zattaryn anyqtady.

QMA Astana qalasy boıynsha departamentiniń qyzmetkerleri qyzmettik-izdestirý ıtiniń kómegimen DHL ýaqytsha saqtaý qoımasyn tekserý kezinde kedendik baqylaý beketinde halyqaralyq poshta jóneltimderinen 3 qorap esirtkini tapty. Olardyń ishinen jalpy salmaǵy 3,5 keli kannabıs syǵyndysy (gashısh maıy) tabyldy.

Qazirgi ýaqytta 4  kúdikti anyqtalyp, tergeý ızolátoryna qamaldy. Kúdiktilerdiń turǵylyqty jeri tekserilip, 787 gr marıhýana men esirtki zattaryn ólshep-oraý úshin qajetti basqa da zattar tárkilengen.