«Atalǵan petısıa boıynsha sońǵy sheshim shyǵarýǵa áli erterek. Sebebi, jumys tobynyń otyrysy ótýi kerek. Alaıda jumys tobynyń birinshi otyrysy ótpeı qaldy. Petısıany jazǵan adamdar mınıstrlikke kire almaǵan edi, ıaǵnı ǵımaratqa telefonmen kirýge bolmaıdy. Búgin jumys tobynyń otyrysyn ótkizemiz», — dedi Qanat Sharlapaev Senattyń jalpy otyrysynan keıin tilshiler suraǵyna jaýap bere otyryp.
Bul turǵyda tilshiler atalǵan jumys tobynyń otyrysyn el halqy kútip otyrǵanyn aıta kele, telefon kirgizý múmkindigi týraly surady.
-Meniń oıymsha, qazir naqty dıalog kerek, ıaǵnı shoý qajet emes. Myna jumysty shoý úshin jasaımyz ba?! Jalpy, atalǵan otyrysta beınejazba jasalady. Onda jazylǵan vıdeony tolyqtaı keıinnen beremiz. Petısıany zań aıasynda talqylaýymyz kerek jáne ony talqylaýǵa múmkindik jasalyp otyr. Osy jumys tobynda jazylǵan vıdeony tolyq nusqada petısıany jazǵan adamdarǵa beremiz», — dedi mınıstr.
Jaqynda ǵana ýtılalymyna qarsy petısıa 50 myń qol jınalǵan bolatyn. Endi ony Úkimet qaraýy kerek.
Bıyl 6 maýsymda ýtılalym týraly petısıany qaraıtyn jumys tobynyń otyrysy ótýge tıis edi. Alaıda jıynǵa belsendilerdi telefonmen kirgizbeı qoıǵan.
Pikir qaldyrý