Qazaqstanda jalpy qaryzy 26,9 mlrd teńgeni quraıtyn 12,5 myńnan astam adam bankrot dep tanyldy. Bul aqparatty Memlekettik kirister komıteti málim etti.

2023 jylǵy naýryzda «Qazaqstan Respýblıkasy azamattarynyń tólem qabilettiligin jáne bankrottyqty qalpyna keltirý týraly» zań qabyldandy.

Qujat qabyldanǵan kúnnen bastap sottan tys bankrottyq rásimine 100,1 myń ótinish tústi, onyń ishinde:

•  77,8 ótinishke boıynsha bas tartyldy – (bereshek somasy jáne merzimi sáıkes kelmeýi, bereshekti óteý týraly qujattyń bolmaýy);
•  1 642 azamat boıynsha rásim toqtatyldy;
• 12 553 azamat bankrot dep tanyldy – 26,9 mlrd teńge somaǵa;
• 6 419 azamatqa qatysty rásim júrgizilýde;
• 1 569 ótinish memlekettik kirister organdarynda qaralýda.

Barlyǵy bankrot dep tanylǵan 11 781 azamattyń ishinde AÁK alýshy 1,2 mlrd teńge qaryzy bar 1 079 azamat bar. 5 jyldan astam oryndalmaǵan mindettemeleri boıynsha 5 811 azamat bankrot dep tanylyp, olar boıynsha 17,2 mlrd teńgeden astam qarajat esepten shyǵaryldy.

Sot bankrottyǵy rásimin jáne tólem qabilettiligin qalpyna keltirý rásimin qoldanýǵa 2,5 myńnan astam azamat júgindi. Rásim 150 boryshkerge qatysty júrgizilýde. 9 azamattyń tólem qabilettiligi qalpyna keltirilýde.

Eske sala ketsek, Májilis depýtattary jeke tulǵalardyń bankrottyǵyn rásimdeý barysyn jeńildetýdi josparlap otyr. Bul aqparatty Memlekettik kirister komıteti rastady. 

Ózgeris sottan tys bankrottyq jáne tólem qabilettiligin qalpyna keltirý boıynsha qabyldanbaq. Aqparatqa súıensek, atalǵan túzetýler qazir Májiliste qaralyp, 2024 jyldyń birinshi jartyjyldyǵynda engizilmek.

Ózgerister qatarynda:

• sottan tys bankrottyq rásimine saı keletin qarjy uıymdarynyń tizbesin keńeıtý. Búginde azamattar tek bankter men mıkroqarjy uıymdaryna qaryzdaryn esepten shyǵara alady;
• boryshkerlerdi sottan tys bankrottyq týraly aryzǵa qujattardy qosa berý mindetinen bosatý;
• 1 AEK-ten (3692 teńge) tómen somadaǵy qaryzdy óteldi dep eseptemeý bar