Mádenıettanýshy-ǵalym, dıplomat, memleket jáne qoǵam qaıratkeri Murat Áýezov 82 jasynda qaıtys boldy. 

Aqparatty Almaty qalasy Mádenıet basqarmasy rastady.

Murat Áýezov 1943 jylǵy 1 qańtarda Jambyl oblysy Merki aýylynda dúnıege kelgen. Ol – qazaq ádebıetiniń kórnekti jazýshysy, dramatýrg, ǵalym, qazaqtyń tuńǵysh "Abaı joly" roman-epopeıasynyń avtory Muhtar Áýezovtiń uly.

Murat Áýezov 1965 jyly M.V. Lomonosov atyndaǵy Máskeý memlekettik ýnıversıtetiniń Shyǵys tilderi ınstıtýtyn fılolog-shyǵystanýshy mamandyǵy boıynsha bitirgen. Qazaqstan óz táýelsizdigin jarıalaǵan kezde eldi ózgertýge belsene qatysqan. Parlament depýtaty bolyp, ádebı zertteýlermen aınalysty, Qazaqstan Respýblıkasynyń Qytaı Halyq Respýblıkasyndaǵy tuńǵysh Elshisi qyzmetin atqardy.

Ol – kórkemdik prosestiń teorıasy men praktıkasy boıynsha 200-den astam jarıalanymnyń, sondaı-aq "Ýaqyt baılanystyrýshy - jip", "Ippokrena. Ýaqyt qudyqtaryna barý" jáne "Qaıtý úshin ketý" monografıalarynyń avtory.

Murat Áýezov 2007 jyldan beri Muhtar Áýezov atyndaǵy qordy basqaryp keldi.