Almaty oblysynyń burynǵy ákimi Amandyq Batalovtyń qyzyna tıesili quny 339 mıllıon teńge bolatyn jer telimi tárkilendi. Bul týraly Almaty oblysynyń prokýratýrasy málimdedi. 

Alty aıda jalpy kólemi 12,5 myń gektar bolatyn paıdalanylmaı jatqan 155 jer telimi memleket menshigine qaıtarylǵan. Jer telimderiniń jalpy quny 2,5 mıllıard teńgeni quraıdy.

Mysaly Qonaevtaǵy kásiporyndardyń birine 2020 jyly sý elektr stansasyn salýǵa berilgen 500 gektar jerge osy ýaqytqa deıin eshteńe salynbaǵan.

Sondaı-aq, İle aýdanyndaǵy alty jyldan beri paıdalanylmaı turǵan 339 mıllıon teńge bolatyn ýchaske de memlketket menshigine ótti. Bul jer ýchaskesi Almaty oblysynyń burynǵy ákiminiń qyzy Saıora Batalovanyń  "Solid Cristal" JSHS-ne tıesili.