Germanıada joǵalyp ketken Astana qalasy Saryarqa aýdanynyń eks-sýdásy Aıgúl Saılybaevanyń denesi tabyldy. Aqparatty Syrtqy ister mınıstrliginiń baspasóz qyzmeti rastady. 

"Germanıa qylmystyq polısıasynyń Qazaqstan Respýblıkasynyń Frankfýrttaǵy Bas konsýldyǵyna bergen aqparatyna sáıkes, 16 maýsymda Bensqaım qalasynyń mańynda áıeldiń máıiti tabyldy. Polısıanyń aldyn ala bergen aýyzsha aqparatyna sáıkes, syrtqy belgileri boıynsha máıit QR azamaty Aıgúl Saılybaeva dep tanyldy" — delingen SİM habarlamasynda.

Aıta keteıik, Aıgúl Saılybaevanyń denesi Bensqaım qalasynyń shetinen tabylǵan. Máıitten zorlyq-zombylyq belgileri anyqtalǵan. Qazirgi ýaqytta bolǵan jaǵdaıǵa qatysty 35 tergeýshi jumys istep jatyr.