Almatynyń túngi klýbynda esirtki taratýmen aınalysqan er adam 10 jylǵa bas bostandyǵynan aıyryldy. Bul týraly Almaty qalalyq PD esirtki qylmysyna qarsy kúres basqarmasy málimdedi.

Byltyr qyrkúıek aıynda túngi klýbta sıntetıkalyq esirtki satyp júrgen 27 jastaǵy jigit ustalǵan bolatyn. Tintý kezinde kúdiktiden sıntetıkalyq untaq salynǵan túıinshek tabylyp, sot-hımıalyq saraptamaǵa jiberilgen.

"Sotta ol qylmystyq kodekstiń 297-baby, 3-bóliginiń 6-tarmaǵy (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý, qoǵamdyq orynda jasalǵan is-áreketter) boıynsha kináli dep tanylyp, 10 jylǵa bas bostandyǵynan aıyryldy", – delingen habarlamada.