Shymkentte asyrap alǵan balalaryna qorlyq kórsetken emshi Ulyqbek Smanov psıhıkalyq aýytqýyna baılanysty qylmystyq jazadan qutylyp ketti.

İs Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynda qaralǵan. Oǵan qylmystyq kodekstiń 140-babynyń 2-bóligi (Kámeletke tolmaǵan adamdy tárbıeleý jónindegi mindetterdi oryndamaý), 110-babynyyń 2-bóliginiń 1,2-tarmaqtary (Qınaý) boıynsha aıyp taǵylǵan.

Sot-psıhıatrıalyq saraptama U.Smanov sozylmaly jáne psıhıkalyq aýrýmen aýyrady jáne óz is-áreketterin jasaý kezinde es-tússiz jaǵdaıda bolǵan degen qorytyndy shyǵarǵan. Qylmystyq kodekstiń 16-babyna (Esi durys emestik) sáıkes,  qoǵamǵa qaýipti is-áreketti jasaǵan ýaqytta esi durys emes kúıde bolǵan adam óziniń áreketteriniń (áreketsizdiginiń) is júzindegi sıpaty men qoǵamǵa qaýiptiligin uǵyna almaıdy, sáıkesinshe, qylmystyq jaýapkershilikten bosatylady.

Sot U.Smanovty qylmystyq jaýapkershilikten bosatyp, mamandandyrylǵan úlgidegi psıhıatrıalyq stasıonarda májbúrli túrde emdeý týraly sheshim shyǵardy.

Al balalardy psıhıkalyq aýrýmen aýyratyn adamnyń qamqorlyǵyna berý faktisi boıynsha Oqý-aǵartý mınıstrligine, Astana, Almaty jáne Shymkent qalalarynyń bilim basqarmalarynyń qorǵanshylyq jáne qamqorshylyq organdaryna, sondaı-aq Shymkent qalalyq Polısıa departamentine  jeke qaýly shyqqan.