Ulttyq ekonomıka mınıstrliginiń ókilderi turǵyndardyń kodekske túzetý engizýdi ótingenin aıtty. Máseleniń áleýmettik mańyzy jeke tabys salyǵyn alyp tastaýǵa yqpal etken.

Aıtýlarynsha, jumys toby halyqaralyq tájirıbelerdi zerdelegen kezde álemniń kóptegen elderinde zeınetkerlerge salyqtyq jeńildikter beriletinine kóz jetkizgen. Sondyqtan qordan aýdarylatyn tólemderge salyq salmaýdy uıǵarypty. Biraq bul qaǵıda zeıtnetker shetelge qonys aýdarsa, ne tólemder muragerlik jolmen berilse qoldanylmaıdy. Al jeke tabys salyǵy boıynsha búdjet shyǵyny shamamen 4 mıllıard teńge bolmaq. Qujat tamyzda depýtattardyń qaraýyna jiberiledi.

“Halyqaralyq tájirıbelerdi zerdeledik. Máselen, Aýstralıada 60 jasqa tolǵan zeınetkerlerge eshqandaı salyq salynbaıdy. Ekonomıkalyq yntymaqtastyq jáne damý uıymyna kiretin 11 memlekettiń ishinde zeınetkerlerdiń tólemderinde de salyq joq. Al keıbir elderde osyndaı qarjylyq, qarjylyq emes yntalandyrý qoldanady eken. Onyń ishinde salyqtyq jeńildikteri de bar”, – dedi salyq jáne keden saıasaty departamentiniń bas sarapshysy Jazıra Myńbaeva.