27-29 maýsym aralyǵynda Almatyda bıznes álemindegi osy jyldaǵy eń eleýli oqıǵasy – Almaty New Vision: Bıznes kúshi forýmy ótpek. Oǵan álemniń túkpir-túkpirinen 50-den astam jetekshi sarapshy men 1000-nan asa ınvestorlar kelmek.

Forýmdy Nobel Fest jáne Young Presidents Organization Kazakhstan (YPO) birlesip uıymdastyryp otyr. Uıymdastyrýshylar forým jaı ǵana is-shara emes, tájirıbe, qundy keńester men ınovasıalyq ıdeıalar almasýdyń naǵyz alańyna aınalady dep otyr.

İs-shara aıasynda eń ózekti trendter men tendensıalar jaıly bıznes áleminiń tómendegideı juldyzdary óz oılaryn bólisedi:

• Rıchard Brenson – mıllıarder, vızıoner, Virgin Group kompanıasynyń negizin qalaýshy jáne bas dırektory.
• Djeff Hoffman – com/Booking.com, uBid.com teń quryltaıshysy, elektrondy komersıa salasyndaǵy novator, jahandyq kásipker, mıllıardtyq korporasıalardyń bas dırektory.
• Braıan Treısı – ózin-ózi damytý boıynsha álemdegi eń tanymal sarapshy.
• Allan Pız – netvorkıng boıynsha álemdik sarapshy, «Dene tili» jahandyq bestselleriniń avtory.
• Joze Barrozý – Goldman Sachs’ International Advisors tóraǵasy, Portýgalıa Premer-Mınıstri (2002-2004), Eýropalyq komısıanyń tóraǵasy (2004-2014).
• Djessıka Koks – motıvasıalyq spıker jáne laıf-koých. Gınness rekordtar kitabyna engen. Eki qoly joq bolyp dúnıege kelgen Djessıka ushaq basqarady, kólik júrgizedi, akvalańpen sýda súńgıdi, jekpe-jek ónerinde qara belbeý ıegeri.
• Vınıta Gýpta – ınovasıalar boıynsha halyqaralyq sarapshy, AQSH-ta óz kompanıasyn IPO-ǵa sátti shyǵarǵan alǵashqy úndi áıeli.
• Aıdyn Rahymbaev – eldegi eń iri qurylys holdıńteriniń biri BI Group holdıńiniń dırektorlar keńesiniń tóraǵasy.
• Tımýr Týrlov – qazaqstandyq kásipker jáne qarjyger, Freedom Holding Corp kompanıasynyń bas atqarýshy dırektory.
• Armanjan Baıtasov – belgili qazaqstandyq  medıa menedjer, kásibı jýrnalıs, Tan Media Group basshysy,  TRK «31 kanal» jáne Qazaqstandaǵy taǵy da basqa táýelsiz BAQ negizin qalaýshysy.

New Vision aıasynda túrli formattar qarastyrylǵan: paneldik sesıalar, vorkshoptar, kórme, tálimgerlik aımaǵy, ashyq pikirtalastar.

Bıyl forýmǵa Dımash Qudaıbergen qatyspaq. Álemge áıgili ánshi óziniń eń tanymal hıtteri men jańa ánderin oryndap, arnaıy baǵdarlama usynady.

50-den astam túrli sesıalarda sarapshylar jasandy ıntellekt álemindegi adamzattyń bolashaǵy, zamanaýı trendter men tehnologıalar, damý strategıalary, bıznesti ulǵaıtý, geosaıasat, megatrendter jáne olardyń álem bolashaǵyna áseri sıaqty taqyryptardy kóteredi.

Atalǵan sesıalar aıasynda forým qatysýshylaryna tómendegideı múmkindikter usynylady:

• Zamanaýı álemdegi bıznesti júrgizýdiń qıyndyqtary men múmkindikterin talqylaýǵa;
• Perspektıvti ınvestısıalyq múmkindikter men naryq trendteri týraly bilýge;
• Basqa kásipkerlermen tájirıbe almasý arqyly óz bıznesin damytý úshin keńes pen qoldaý alýǵa;
• Áriptesterińizben damý strategıalaryn talqylaý arqyly iskerlik qatynasty keńeıtýge jáne jańa seriktestikter tabýǵa;
• Bıznestegi tabysty kóshbasshylar men sarapshylardan shabyt pen motıvasıa alýǵa;
• İri kompanıalardyń quryltaıshylarymen tanysyp, olardyń tabys qupıalaryn bilýge.

Qazaqstandaǵy sý tasqynyna baılanysty is-sharadan túsken tabystyń 50%-yn zardap shekken óńirlerge aýdarý týraly sheshim qabyldandy.

Osylaısha, forýmnyń árbir qatysýshy sý tasqynynan zardap shekkenderge kómek kórsetýge úles qosa alady.

Forým aıasynda kásipkerler ózderiniń jańa ónimderi men qyzmetterin naryqqa usynatyn jahandyq bıznes kórmesi ótedi. Budan bólek, startaptar úshin ınvestorlardyń nazaryn aýdarýǵa jáne bıznes-múmkindikterdi keńeıtýge qaıtalanbas múmkindik usynatyn pıchıng-sessıalar uıymdastyrylady. 

Qatysýshalar sondaı-aq bıznestegi álemdik kóshbasshylarmen jabyq master klasstarǵa, vorkshoptarǵa jáne jahandyq YPO múshelerimen keshki astarǵa qatysa alady.

Bıletter men forým týraly jańalyqtar https://newvision.academy/ saıtynda.