Mınıstrdiń aıtýynsha, erte sheship alǵandardyń zeınetaqysy 34 myń teńgeden aspaıdy.
- Bazalyq zeınetaqy tólemin basqasha esepteý tásilimen kelisemiz. Bizdiń usynysymyz, birinshiden, zeınetaqy eń tómengi eńbekaqynyń 60 paıyzyna teń bolýy kerek. Ekinshiden, bul - sarapshylardyń usynysy, ıaǵnı zeınetaqy qorynan jınaqty erte sheship alýdy toqtatý, biz munymen de kelisemiz. Sebebi qazir erte sheship alǵandardyń zeınetaqysy 34 myń teńgeden aspaıdy. Sondyqtan ony doǵarý kerek, - dedi Svetlana Jaqypova Úkimet otyrysynan soń.
Sondaı-aq Jaqypova zeınetaqy qoryndaǵy 3 trıllıon teńge merziminen buryn alynǵanyn aıtty.
-1,5 mıllıon adam zeınetaqy tólemderimen qamtyldy, 3 trıllıon teńgeden asa qarjy zeınetaqy qorynan shyǵaryldy. Ol qarjyǵa adamdar úı jaǵdaıyn jaqsartty, emdeldi. Sondyqtan muny beker jumsaldy deýge de bolmaıdy, - dedi mınıstr.
