Osyǵan baılanysty qala ákimi Asqat Berdihanov kásipkerlermen kezdesip, mán-jaıdy túsindirdi.

Áleýmettik jelide Qonaev qalasynda jalpy aýmaǵy 7.12 ga jer qytaılyqtarǵa berildi degen aqparat taraǵan. Qonaev qalasy ákiminiń baspasóz qyzmetiniń aqparaty boıynsha, "Jibek joly" JSHS №8 jaǵajaıdy abattandyrý jobasyn qolǵa alyp, ınvestısıa quıýǵa nıettengen. Jer kólemi – 7.9 gektar.

"Jaǵajaıdyń qasyndaǵy 7.12 aýmaqty alyp jatqan jer, ıaǵnı №7 jaǵajaıdyń bir bóligi ınvest jobanyń quramyna kirip jatyr. Jalpy aýmaǵy 15 ga jaǵalaý atraksıondar parkine aınalmaq. Qazirgi tańda №7 qalalyq jaǵajaıda 40-tan astam kásipker qyzmet etýde. Olar dámhana, tapshan, shatyrlardy memleketten jalǵa alyp otyr. Mundaǵy 2 bıznes orny atalǵan ınvestjobanyń quramyna endi. Kásipkerler bıylǵy shomylý maýsymy bitkenshe jumys jasaıdy", - delingen habarlamada.

Onyń aıtýynsha, qalanyń bekitilgen bas josparyna sáıkes, qaladaǵy 9 jaǵajaıdy da abattandyrý josparlanyp jatyr. Bıyl zamanaýı stılde jasalǵan №5 jaǵajaı qoldanysqa berildi.