Májilis kýlýarynda premer-mınıstrdiń orynbasary Tamara Dúısenova ePetition.kz platformasynda zeınet jasyn 55-ke deıin tómendetýge qatysty petısıaǵa qol jınalyp jatqanyna qatysty pikir bildirdi.

Ol zeınetaqy jınaǵy jetse, qazaqstandyq áıelder 53 jastan bastap shyǵýyna bolady dep otyr.

"Birinshiden, biz zańnamada áıelderdiń zeınetke shyǵý jasyn 61 dep bekittik. Osyndaı petısıaǵa qol qoısa, árıne biz mundaı ótinishti qaraımyz. Biraq biz 55 jasta zeınetke shyǵatyn bolsaq, jetkilikti deńgeıdegi zeınetaqy alamyz ba, sony oılaýymyz kerek. Bizdiń zańnamada zeıtnetke erte shyǵý kórsetilgen, zeınetaqy qoryndaǵy jınaq jetkilikti bolsa, 53 jasta shyǵýyna bolady. 1998 jyldan keıingi zeınetaqy reformasyn júrgizgennen keıin biz zeınetaqymyzdy zeınetaqy qorynda jınalǵan aqshadan alamyz. Biz erte shyǵaıyq dep aıtqanda, memleket tóleıdi dep oılaımyz. Memleket tek bazalyq zeınetaqyny tóleıdi", - dep túsindirdi Dúısenova.