10 adamǵa úkimdi Almaty qalasynyń Almaly aýdandyq soty shyǵardy. Qylmysqa qatysty sotqa deıingi tergep-tekserýdi kólik prokýratýrasy júrgizgen.

“Sot talqylaýy barysynda aıyptaý jaǵy sottalýshylardyń "Metropolıten" KMK, "Almatymetroqurylys" AQ, "Avtomattandyrý jáne tehnologıalar qyzmeti" JSHS basshylary bola otyryp, adamdar tobymen, 2018 jyldyń maýsymynan 2020 jyldyń tamyzyna deıingi kezeńde "Saryarqa" jáne "Dostyq" stansalaryn salý barysynda qarjy alaıaqtyǵymen, onyń ishinde jabdyqtyń qunyn arttyryp (is júzinde 10 ese), turaqty túrde iri kólemde aqshalardy jalǵan fırmalar arqyly shyǵarǵanyn dáleldedi.

Sottalǵandar memlekettik jáne qarjy uıymdarynda jumys isteý quqyǵynan aıyryla otyryp, ártúrli merzimge bas bostandyǵynan aıyryldy (negizgi fıgýranttar 7 jyldan 8 jylǵa deıin). Sonymen qatar sot 1 mıllıard teńgeden astam somaǵa tyıym salynǵan múlikti tárkileýdi qoldanyp, memleketke keltirilgen shyǵyndy óndirdi”, – delingen habarlamada.

Sot úkimi zańdy kúshine engen joq.