Maqalanyń basynda avtor Qazaqstannyń ózine tán, derbes mádenıeti men órkenıeti bar el ekenine toqtalady.

- Dál osyndaı tańǵajaıyp ýaqytta Prezıdent Qasym-Jomart Toqaevtyń shaqyrýymen Qazaqstan Respýblıkasyna memlekettik saparmen baryp, Shanhaı Yntymaqtastyq Uıymynyń samıtine qatysamyn. Men sizderdiń kórikti elderińizge QHR Tóraǵasy retinde besinshi ret aıaq basqaly turmyn. Qazaqstannyń tańǵajaıyp tól mádenıeti, kóz tartar tabıǵaty, dos peıildi jáne qonaqjaı halqy – osynyń bári meniń jan dúnıemde erekshe janashyrlyq oıatady. Men zor úmit artyp otyrǵan aldaǵy sapar jańa Qazaqstannyń jetistikteri men búgingi kelbetine súıinip qarap, tamsanýǵa ǵana emes, Prezıdent Qasym-Jomart Toqaevpen ekijaqty seriktestiktiń ózekti máselelerin talqylap, SHYU-ny ári qaraı damytýdyń jáne qytaı-qazaq qarym-qatynasynyń basym baǵyttaryn aıqyndaýǵa múmkindik beredi, - dep jazady Sı Szınpın.

Qytaı basshysy eki eldiń tatý kórshilikti tý etip damýy ýaqyttyń talaby ekenin aıtady.

- Osynaý san ǵasyrlyq dostyq bizdiń elderdiń arasyndaǵy qarym-qatynasty damytý tarıhtyń pármeni, ýaqyttyń qalaýy ekenin kórsetedi, - deıdi QHR tóraǵasy.

Buǵan deıin habarlanǵanyndaı, 2-4 shilde kúnderi Prezıdent Qasym-Jomart Toqaevtyń shaqyrýymen Qytaı Halyq Respýblıkasynyń Tóraǵasy Sı Szınpın Qazaqstanǵa memlekettik saparmen keledi. Ol sondaı-aq, Shanhaı yntymaqtastyq uıymyna múshe memleketter basshylary keńesiniń 24-shi otyrysyna qatysady.

Derekkóz: QazAqparat