Jetisýlyqtar, ásirese Taldyqorǵan qalasynyń turǵyndary kópqabatty úıleriniń aýlasyn gúldengen baqqa aınaldyrýda, olar úıdiń kireberis tusyna jyl saıyn san túrli gúlder ósirýde jáne bul gúlder qara sýyq túskenshe óńin bermeıdi.

Zeınetkerlerdiń eńbekqorlyǵynyń arqasynda «Samal» shaǵyn aýdanyndaǵy №11 úıde ósimdikterdiń 60-tan astam túri ósip turǵan bul aýlanyń «Úlgili» ataǵyna ıe bolýy da ǵajap emes, Olga Serebrennıkova ár gúlge jan jylýyn, kóńil shýaǵyn qosa quıady.

11 jyl ishinde áýesqoı baǵban júzdegen túrli gúl ósirip keledi, onyń óz týǵan jeri men óz qalasyna degen súıispenshiligi kópke úlgi bolyp otyr, mundaı ıgi is bos jatqan jer ýchaskesin tıimdi paıdalansaq degen nıetten bastalǵan deıdi.

Oblys ortalyǵynyń taǵy bir turǵyny óz aýlasyn kógaldandyrýmen 15 jyldan beri aınalysyp keledi, ol 50 sotyq jerge úlken gúlzar jasap, jemis aǵashtaryn ósirip otyr, Lázzat Asanova kóshesindegi № 69 kóp qabatty úıdiń aýlasyn gúldi baqqa aınaldyrý úshin Tatána Ibragımovanyń qansha ter tókkenin gúlzarǵa qaraǵannan-aq uǵyný qıyn emes, gúl ósirýshiniń ózi munymen shektelmeıtinin aıtady, óziniń týǵan qalasyna degen súıispenshiliktiń aıqyn úlgisin kórsetip, gúldiń jańa sorttaryn otyrǵyzýdy jalǵastyrmaqshy.

Jalpy Taldyqorǵan qalasy ákimdiginiń málimetine qaraǵanda, bıyl oblys ortalyǵynda «Úlgili aýla» baıqaýy ótedi, «Bul baıqaýdyń basty maqsaty - qalanyń keskin-kelbetin jaqsarta túsý,  aýlalardyń taza, ári jınaqy bolýyn nasıhattaý, sondaı-aq, aýla aýmaqtarynyń sanıtarlyq jaǵdaıy men kógaldandyrylýyn, abattandyrylýyn qolǵa alý», - deıdi sala mamandary.