Úkimet otyrysynyń qorytyndysy boıynsha ótken brıfıńte sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev vedomstvonyń Qazaqstannyń ǵarysh salasyn qalaı damytýdy josparlap otyrǵanyn aıtty, dep habarlaıdy Qamshy.kz aqparat agenttigi.

«Ǵarysh salasy el úshin óte mańyzdy. Sondyqtan, jumysymnyń birinshi aıynda Baıqońyr ǵarysh aılaǵyna baryp, júk zymyranyn ushyrýǵa qatystym. Men týrıserdi tartý turǵysynan úlken áleýetti (salany damytý - Red.) kóremin, ǵarysh aktıvterin shoǵyrlandyrý áleýetin kóremin... Bizde tiginen ıntegrasıalanǵan holdıń nemese korporasıa qurý múmkindigi bar, óıtkeni bizde óz ǵarysh aılaǵy men qurastyrý-synaý kesheni bar», - dep naqtylady ol.

Jaslan Mádıev Qazaqstannyń óz serikteri bar ekenin aıtty. Búgingi tańda R&D bastapqy kezeńinde jańa joba júrgizilýde.

"Ol áli de óndiris boıynsha ǵylymı-zertteý jáne tájirıbelik-konstrýktorlyq jumystar satysynda ornalasqan. Sondyqtan ony odan ári damytýǵa granttar tartamyz. Biz Qazaqstannyń osyndaı tik qurylymdy qalyptastyrýdyń úlken áleýeti bar ekenin kórip otyrmyz", - dep atap ótti mınıstr.

Ol salany týrıserdi tartý esebinen damytý josparlanyp otyrǵanyn túsindirdi.

"Bizde tapsyrystardy tartý josparlary bar... Biz jobany týrısik tartymdy formatqa keltirý úshin birqatar ınvestorlarmen sóılesemiz. Astana Hub tarta otyryp, ǵarysh salasynyń aınalasynda startap-ekojúıeni damytqymyz keledi. Kóptegen jeke kompanıalar qyzyǵýshylyq tanytýda", - dedi ol.

Budan bólek, mınıstr vedomstvo naryqty paıdalanýǵa múmkindik berýi tıis ekenin atap ótti.

"Biz naryqqa osy derekterdi paıdalanýǵa múmkindik berýimiz kerek, Osylaısha startaptar men ınterprenerler osy derekterdi paıdalana alady jáne keıbir tehnologıalyq sheshimder usynady. Ǵaryshty damytqan jón, óıtkeni sol spýtnıkterden alýǵa bolatyn ónimderdi ekonomıkanyń basqa salalarynda kros-sektorlarda qoldanýǵa bolady. Bul órtterge ákeletin jylý núktelerin boljaý jáne anyqtaý, munaı salasyndaǵy, aýyl sharýashylyǵyndaǵy sý tasqyny jaǵdaılaryn boljaý jáne modeldeý boıynsha ártúrli keıster", - dep túıindedi SDIAÓM basshysy.