Premer-mınıstrdiń birinshi orynbasary Roman Sklár óz qyzmetine qosa Ulttyq ınvestısıalyq ortalyqty basqaratyn bolady. Bul týraly premer-mınıstrdiń qaýlysynda jazylǵan.

"Investısıalyq qyzmet jónindegi Ulttyq Ortalyq qurylsyn. Ulttyq ortalyq óz qyzmetin Úkimet apparatynyń ındýstrıalyq jáne ınfraqurylymdyq damý bóliminiń qurylymy negizinde júzege asyrady. Premer-mınıstrdiń birinshi orynbasary Roman Sklár óz qyzmetine qosa Ulttyq ınvestısıalyq ortalyqty basqaratyn bolady", — delingen qaýlyda.

Roman Sklárǵa jańa memlekettik qurylymnyń basshysy retinde júktelgen mindetter:

• IQUO jumysyn uıymdastyrý jáne IQUO jumysyna memlekettik organdar men kvazımemlekettik uıymdardyń ókilderin tartý;
• IQUO-ǵa jiberilgen jumyskerlerdiń mindetteri men fýnksıonaldyq mindetterin aıqyndap, qajet bolǵan jaǵdaıda memlekettik organdar men kvazımemlekettik uıymdardyń basshylaryna jumyskerlerdi aýystyrý jóninde usynystar engizý;
• memlekettik organdar men kvazımemlekettik uıymdar basshylarynyń atyna IQUO-ǵa jiberilgen jumyskerlerdi kótermeleý nemese jazalaý týraly usynystar engizý;
• Premer-Mınıstrdiń birinshi orynbasaryn IQUO jumysynyń týraly toqsanyna bir retten habardar etip turý;
• IQUO jumys toptaryn qurý.