Eltańbany ózgertý máselesi kún tártibinen alyndy. Bul týraly Vlast.kz basylysyna Mádenıet jáne aqparat mınıstrligi habarlaǵan.

Vedomstvo Eltańbany ózgertý jaqyn ýaqytta talqylanbaıtynyn málim etti.

Buǵan deıin prezıdent Qasym-Jomart Toqaev ulttyq quryltaıda memlekettik Eltańbany ózgertýdi usynǵan.

– Eltańbamyzǵa qatysty synı pikirler aıtylyp qalady. Ony Keńes zamanyndaǵy Gerbke uqsatyp jatady. Tym eklektıkalyq, kúrdeli deıdi. Mundaı oıdy el isine beı-jaı qaramaıtyn belsendi azamattar ǵana emes, mamandar da aıtyp júr. Oryndy paıymdar eskerýsiz qalmaýy kerek. Ortaq kelisimge kelgen jaǵdaıda arnaýly komısıa qurýǵa bolady. Bul komısıa máseleni jan-jaqty qarastyryp, qoǵamdyq talqylaý ótkizedi. Sosyn Qazaqstannyń jańa Eltańbasynyń jobasyn jasaýǵa ashyq baıqaý jarıalanady, – degen Toqaev.