Jýrnalıs Oljas Berkinbaev Qazaqstan Respýblıkasy Ǵylym jáne joǵary bilim mınıstrliginiń qoǵammen baılanys departamentiniń dırektory – baspasóz qyzmetiniń jetekshisi bolyp taǵaıyndaldy.

Oljas Berkinbaev Túrkistan oblysynda týǵan. Eýrazıa ulttyq ýnıversıtetin, Qyzylorda memlekettik ýnıversıtetin támámdaǵan. 

Eńbek jolyn 2012 jyly QR İİM "Saqshy" gazetiniń tilshisi bolyp bastaǵan. 

2013 jyldan bastap prezıdent kómekshisi, Áskerı strategıalyq zertteýler ortalyǵynyń jetekshi mamany, Nur Otan partıasynyń elordalyq fılıalynyń baspasóz hatshysy bolyp jumys istedi.

2016 jyldan National Digital History of Kazakhstan jobasynyń jetekshisi, QR Tuńǵysh Prezıdenti - Elbasy kitaphanasynyń aǵa sarapshysy, SARYARQA aqparat medıa holdıńiniń dırektory, SİM-niń 3-hatshysy, QR Ekologıa jáne tabıǵı resýrstar mınıstrligi qoǵammen baılanys departamentiniń dırektory, Otandastar qorynyń vıse-prezıdenti qyzmetterin atqarǵan.