Bas prokýratýra men İshki ister mınıstrliginiń Interpol qyzmetkerleri qarjy pıramıdasyn basqarǵan Qazaqstan azamatshasyn qylmystyq jaýapkershilikke tartý úshin elge ekstradısıalady.
2019 - 2021 jyldar aralyǵynda kúdikti Qostanaı oblysyndaǵy "Finiko" qarjy pıramıdasynyń qurylymdyq bólimshesin basqaryp, jalpy somasy 167 mln teńgeden astam somaǵa qyryqqa jýyq jábirlenýshi aldanǵan.
Qylmystyq is áshkere bolǵannan keıin kúdikti Armenıada jasyrynǵan. Qazirgi ýaqytta kúdikti Aqtaý qalasynyń tergeý ızolátoryna qamaqqa alyndy.
Kúdiktige 7 jylǵa deıingi merzimge belgili bir qyzmetpen aınalysý quqyǵynan aıyra otyryp, múlki tárkilenip, 5 jyldan 12 jylǵa deıingi merzimge bas bostandyǵynan aıyrý túrindegi jaza kózdelgen.
Pikir qaldyrý