Sońǵy jyldardaǵy jobalardy iske asyrý tájirıbesin eskere otyryp, merdigerlerdiń, jobalaýshylardyń jaýapkershiligin arttyrý maqsatynda osy jobalarda halyqaralyq qarjy uıymdarynyń qoldaýymen EPCM kelisimsharty jáne FIDIC qaǵıdasy engizildi. Shartqa sáıkes, merdiger kompanıa ózi jobalap, ózi salyp, 7 jylǵa deıin kútip ustaıdy», — dedi ol.
Mınıstrdiń sózinshe, bul tásil jobalaý men qurylys sapasynyń táýekelderin azaıtady.
Vedomstvo jobalarǵa jergilikti kompanıalardy tartý úshin mynandaı sharalardy usynyp otyr:
— qazaqstandyq kompanıalardyń qatysýymen qurylǵan konsorsıýmdarǵa jeńildik berý;
— tehnıkasy Qazaqstanda shoǵyrlanǵan kompanıalarǵa ústemdik berý;
— qurylys jumystaryn júrgizýge qazaqstandyq lısenzıa bolý sharty;
— banktik kepildemeler bergende qazaqstandyq bankterdiń qarymta-kepildikteriniń bolýy.
«Ol usynystar halyqaralyq qarjy ınstıtýttarynyń qoldaýyn taýyp, konkýrstardyń negizgi talaby retinde bekitilýde. Bul degenimiz jergilikti kompanıalardyń áleýetin, tájirıbesin arttyryp, aldaǵy ýaqytta halyqaralyq qurylys kompanıalarymen básekeles bolýǵa múmkindik beredi», — dedi Marat Qarabaev.
Pikir qaldyrý