«Mamyr aıynda Prezıdent Qazaq Air-diń vetnamdyq kompanıaǵa satylatynyn habarlady. Ol mámile qashan aıaqtalady, komaponıanyń qaryzy bar ekenin eskersek, quny qansha bolady?» - degen jýrnalısiń suraǵyna mınıstr Qarabaev:

«Kelisimsharttyń bir satysyna qol qoıyldy. Qyrkúıektiń aıaǵyna deıin mámileni aıaqtaımyz dep otyrmyz. Kelisimshartta Qazaq Air-diń búkil qaryzyn óteý mindettelgen. Tólemniń kezeńi áli anyqtalǵan joq. Ekinshiden, satyp alýshy kompanıanyń Qazaqstan ishinde jáne syrtyna tasymal jasaıtyn 20-dan kem emes áýe kóligin tirkeý mindettemesi qarastyrylǵan.

Jalpy ınvestordyń ózi 20 emes 50-ge deıin áýe kóligin tartamyn dep otyr. Iaǵnı, naryqta taǵy bir aıtarlyqtaı kúshti oıynshy paıda bolady degen sóz. Mysaly, SCAT kompanıasynda 50-ge jýyq bort, Air Astana-da 54 bort bar. Sonda naryqta solarmen shamalas úshinshi oıynshy bolady. Bul básekege, bıletterdiń baǵasyna oń áser etetini sózsiz», - dedi ol.