Bas prokýratýra boıjetkendi zorlamaq bolǵan qazaqstandyq Grýzıadan ekstradısıalanǵanyn habarlady.

Prokýratýra málimetinshe, kúdikti 2020 jyly Shymkent qalasynda boıjetkendi zorlamaq bolǵan. Jábirlenýshi belsendi qarsylyq kórsetip, qylmyskerdiń qolynan qashyp qutylǵan.

"Sot atalǵan tulǵany kináli dep tanyǵan, alaıda sottalǵan úkimdi jarıalaýyna qatyspaı, jasyrynyp, taǵaıyndalǵan jazany óteýden jaltarǵan. Soǵan baılanysty ol halyqaralyq izdestirýge jarıalandy. 2023 jylǵy qazanda sottalýshy Grýzıa aýmaǵynda ustaldy. Qazaqstan Respýblıkasy Bas prokýratýrasynyń suraýy boıynsha grýzıalyq tarap ony ekstradısıalaý týraly sheshim qabyldady. Qazirgi ýaqytta ol Astana qalasynyń tergeý ızolátoryna qamaldy" delingen habarlamada.