Buǵan deıin ishki ister mınıstrligi saýsaq izin erikti túrde tapsyrýǵa múmkindik bergen.

İshki ister mınıstrligi azamattardyń bıometrıalyq derekterin jınaý prosesin retteıtin saýsaq izderin alý jáne genomdyq tirkeý erejesin bekitti.

Qazaqstanda saýsaq izin tapsyrý tómendegi jaǵdaılarda júzege asyrylady:

- Jeke kýálik jáne tólqujatty alǵash ret alýǵa ótinish bildirgende, sondaı-aq qujattardy qalpyna keltirgende nemese aýystyrǵanda;

- 12 jastan 16 jasqa deıingi balalar pasport alýǵa ótinish bergen kezde ata-anasynyń nemese zańdy ókilderiniń kelisimimen;

- 16 jasqa tolǵan sheteldikter men azamattyǵy joq adamdar ýaqytsha nemese turaqty turýǵa yqtıarhat, turýǵa yqtıarhat, bosqyn kýáligi jáne basqa da qujattardy resimdegen kezde.

- 16 jasqa tolǵan Qazaqstannan shyǵarylǵan nemese readmıssıa týraly halyqaralyq shartqa saı keletin adamdar.

Genomdyq tirkeý anyqtaý, tergeý, sot saraptamasy organdarynyń jáne qylmystyq-atqarý júıesi mekemeleriniń quzyryna jatatyn adamdar arasynda júrgiziledi.