Olardyń kómegimen jyl basynan beri bes myńnan astam qylmys jáne 324 myń ákimshilik quqyq buzýshylyq anyqtalǵan. Avtomatty tirkeý júıelerimen 3,9 mıllıon jol júrisi qaǵıdalaryn buzý deregi tirkelgen.

İİM "Qorǵaý" baǵdarlamasy ázirlengen. Ol polısıaǵa jolda óreskel zań buzatyn júrgizýshilerdi anyqtaýǵa jáne olarmen aldyn alý jumystaryn júrgizýge múmkindik beredi. Mundaı baǵdarlama barlyq 20 aımaqta qoldanylatyny aıtyldy.

"Bıyl "Qorǵaýdyń" kómegimen 339 myńnan astam kólik quraly tekserilip, 20 myńnan astam ákimshilik quqyq buzýshylyq anyqtaldy. Toǵyz myńǵa jýyq avtokólik aıyppul turaǵyna qamaldy. Jalǵan nómirli 173 kólik anyqtaldy", - delingen habarlamada.

Sonymen qatar, polısıa júrgizýshiler tártibin nyǵaıtý boıynsha sharalar qabyldady.

"Alty aıda 12 myńnan astam mas júrgizýshi ustalyp, júrgizý quqyǵynan aıyryldy. Vedomstvo "SOS" batyrmalaryn ornatý jumystaryn jalǵastyryp jatyr. Búginde respýblıka boıynsha 284 qurylǵy jumys isteıdi. Olarda da beınebaqylaý kamerasy bar. Bul – aldyn alý men qaýipsizdiktiń tıimdi quraly. Jalpy mundaı túımeler qylmys deńgeıin tómendetýge jáne qala turǵyndary men týrıserdiń ómir súrý sapasyn jaqsartýǵa kómektesedi".