Jergilikti turǵyndar qoǵamdyq dárethananyń qurylysy bitse de ne sebepti qoldanysqa berilmegenin túsinbeı dal. Aıtýlarynsha, 22 mıllıon teńgege salynǵan nysanda jumysshylar júr, biraq dárethananyń ózi jumys istemeıdi.

Mundaǵylar dárethananyń ishinde jasalǵan jaǵdaıǵa qarap onyń baǵasyn qaladaǵy jaıly páterdiń qunymen teńestirdi.

“Týrıser men tasymaldaýshylarǵa yńǵaıly bolý úshin eki modýldik qondyrǵy ornattyq. Múmkindigi shekteýli jandarǵa jaǵdaı jasaldy. Antıvandaldy dárethanalar men rakovınalar, beınebaqylaý kameralary, kondısıoner ornatyp, sýmen, jylýmen qamtamasyz etildi. Biraq munyń bári iske qosylǵan joq”, – deıdi shendiler.

Abaı aýdandyq jolaýshylar kóligi jáne avtomobıl joldary basqarmasynyń baspasóz hatshysy Ásem Nurlanqyzynyń aıtýynsha, modýldik nysan qosymsha daıyndyq jumystaryna baılanysty ýaqytsha jumys istemeıdi. Dárethanalar iske qosylǵanǵa deıin nysandy merdiger kúzetedi.