Qorǵastaǵy kólik-logıstıkalyq aktıvter Qazaqstannyń tranzıttik áleýetin damytýda asa mańyzdy ról atqarady

Keshe «Qazaqstan temir joly» UK» AQ prezıdenti Asqar Mamın men Almaty oblysynyń ákimi Amandyq Batalov «Qorǵas – Shyǵys qaqpasy» arnaıy ekonomıkalyq aıma­ǵynyń nysandarynda, Altynkól stansasynda, Shekaralyq yn­tymaqtastyq jónindegi halyqaralyq Qazaqstan-Qytaı ortalyǵynda (SHYHO) boldy.

Sapar barysynda damý jo­ba­larynyń júzege asyrylý jaıy, álemdegi asa iri logıstıkalyq kom­panıalardyń biri – Dubai Port World-tyń birlesip basqa­r­ý­yn­daǵy Qurǵaq porty arnaıy ekonomıkalyq aımaǵynyń aǵym­daǵy operasıalyq qyzmeti máse­leleri qaraldy.

Qurǵaq porty jobasynyń aıa­syn­da konteınerlik alańqaı, temir­joldyń nysandarǵa kelý tarmaq­tary, qoıma ǵımarattary salynǵany atap ótildi.

Qurǵaq porty 2 aıdan beri operasıalyq jumystarmen aınalysyp jatsa, ótken ýaqyt ishin­de 10 myńnan astam jıyrma fýt­­tyq ekvıvalentti (JFE) óńdeý­den ótkizgen, tasymal tara-ydys ónim­deri de belsendi óńdelý ústinde.

Eýropalyq odaq elderinen QHR-ǵa jáne QHR-dan Eýrazıa qur­lyǵy naryqtaryna avtomo­bıl kóligimen tasymaldaý uıym­das­tyrylýda. Álemniń jetekshi kólik-logıstıkalyq ortalyqtarynda oqý-taǵylymdamadan ótken jer­gilikti personaldy tartý esebinen qyzmetkerler shtaty jasaqtalǵan.

«Qorǵas – Shyǵys qaqpasy» ar­naıy ekonomıkalyq aımaǵynda óńdeletin taýarlardy Altynkól stansasy arqyly tranzıtpen tasymaldaıtyn konteınerlik poıyzdar jasaqtaý úshin Hewlett Packard, DB Schenker, Toyota, FESCO, BRAVIC kompanıalarymen kelisimge qol qoıyldy.

«Qorǵas» SHYHO-da eks­port­tyq-ımporttyq saýda operasıalaryn, sondaı-aq, kelisimsharttyq logıstıkalar qalyptastyrý boıynsha 5 ınvestısıalyq jobany júzege asyrý bastaldy. Taǵy 10 joba qarastyrý qarsańynda tur. Birinshi kezektegi ınvestısıalyq jobalardyń jalpy kólemi 300 mln. dollar.

Keńes barysynda, sondaı-aq, Nurkent eldi mekeni bazasynda jańa qala salýdyń birinshi kezegi boıynsha bas jospar jobasy, aıaqtalýy 2016 jylǵa josparlanyp otyrǵan Almaty – Qorǵas avtomobıl joly qurylysy jobasyn júzege asyrý jaıy qaraldy.

«Nurly Jol» baǵdarlamasy sheńberinde júzege asyrylyp jat­qan jobalar Qazaqstannyń tran­zıttik-kóliktik áleýetin damytýǵa qýatty serpin berip, Jańa Jibek joly ekonomıkalyq beldeýin qalyptastyrýǵa tolyq kóleminde yqpal etýge múmkindik týǵyzatyn bolady, dep habarlady «QTJ» UK» AQ-tyń baspasóz qyzmeti.

Derekkóz: Egemen Qazaqstan