Oral ákimi Mırjan Satqanov qyzmetinen ketti. Bul týraly ákim óziniń áleýmettik paraqshasynda jazdy. 

Satqanovtyń qyzmetten ketýine densaýlyq jaǵdaıy sebep bolǵan. 

"Qymbatty oraldyqtar, qadirli jerlester! Búgin Oral qalasynyń ákimi qyzmetinen ketkenimdi habarlaımyn. Men úshin bul qyzmette eki jyldan astam oraldyqtarmen qoıan-qoltyq jumys isteý úlken mártebe bolǵanyn aıtqym keledi. Alaıda kóktemde qalamyzda sý tasqyny bolyp, mundaı qıyn kezeńde jumystan shyǵa almadym. Osylaısha óz mindetterimdi áriptesterimmen birge jalǵastyra berdim. Qazir barlyq salada jumys jolǵa qoıylǵan. Jańadan taǵaıyndalatyn qala ákimi qazirgi jaǵdaıdy jedel túsinip, jumysty júıeli jalǵastyratynyna, al bolashaqta shaharymyz úshin jańa jobalarǵa bastamashy bolatynyna senemin" - dep jazdy ol. 

Aıta keteıik, Mırjan Satqanov Oral qalasynyń ákimi qyzmetine 2022 jyldyń sáýirinen bastap taǵaıyndalǵan bolatyn.