Sońǵy kezderi «Qoldan jańbyr jaýǵyzdy» degen Altaı Aınabektiń áreketi jelide qyzý talqyǵa tústi. Bireýler muny shoý dese, endi biri ǵalymdarymyzdy qoldaý qajettigin aıtady. Osy rette onyń Úkimetten 39 mıllıard teńge suraǵany týraly da aqparat tarady. Búgin Úkimet otyrysynan keıin Aýyl sharýashylyǵy vıse-mınıstri Azat Sultanov osy suraqqa jaýap berdi.

«Altaı Aınabektiń usynysynan habarymyz bar. Biz bul jaǵdaıdy birneshe ret zerttedik. Tipti shetelden arnaıy mamandar da kelgen. Alaıda bul tehnologıanyń ekinshi jaǵy da bar ekenin eskereıik. Máselen ekologıa. Bir jerge jańbyr kóp jaýsa, kelesi bir jerge jaýmaýy múmkin. Bul – zıan. Sondyqtan bul zertteýdi qajet etedi», – dedi Azat Sultanov.