Alqabıler aqtap shyqqan Kárim Kókirekbaev qaıta qamaýǵa alyndy

/image/2024/07/26/crop-18_85_620x1102_8bfcadd3cf81770e.jpeg

Buǵan deıin alqabıler aqtap shyǵarǵan "Qazseldenqorǵaýdyń" burynǵy basshysy Kárim Kókirekbaevtyń aqtaý týraly úkimniń kúshi joıyldy. 25 shildede Almaty oblysynyń qylmystyq ister boıynsha sot alqasy Kókirekbaevqa qatysty isti apelásıalyq satyda qarady.

"25 shildede Almaty oblystyq soty QR TJM "Qazseldenqorǵaý" MM basshysy Kárim Kókirekbaevqa qatysty aqtaý úkiminiń kúshin joıdy, qylmystyq is birinshi satydaǵy sottyń jańa qaraýyna joldandy", - delingen habarlamada.

Kárim Kókirekbaev sot zalynan qamaýǵa alyndy.

Eske salaıyq, 2022 jyly Sybaılas jemqorlyqqa qarsy is-qımyl agenttigi Jambyl oblysynyń burynǵy ákimi, "Qazselqorǵaý" memlekettik mekemesiniń eks-basshysy Kárim Kókirekbaevtyń ustalǵanyn habarlady. Ol birneshe ret asa iri mólsherde para aldy dep aıyptalǵan. 2024 jyldyń 7 maýsymynda Almaty oblysynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen Kókirekbaevty aqtap shyǵarǵan. Keıinnen Bas prokýratýra Kókirekbaevtyń isi boıynsha úkimge narazylyq bildiretinin jetkizgen bolatyn.

Alqabıler aqtap shyqqan Kárim Kókirekbaev qaıta qamaýǵa alyndy

Qatysty tegter :

Pikir qaldyrý

Qatysty Maqalalar