Ortalyq ótken aptada Telegram-da derekterdiń taralyp ketkenin 29 shildede málimdedi.

2022 jyldan 2023 jylǵa deıin jumys istegen BreachForums forýmynyń zıandy baǵdarlamalyq qamtamasyz etýdi jáne urlanǵan derekterdi satýmen aınalysqany anyqtaldy. Forýmda Qazaqstannan 15 haker tirkelgeni belgili boldy. 

Taraǵan derekter 2022 jyldyń 29 qarashasyna deıingi barlyq aqparatty, sonyń ishinde paıdalanýshylardyń ıdentıfıkatorlaryn, heshtelgen qupıa sózderdi, jeke habarlamalardy, forýmdyq kredıtterdi satyp alý úshin paıdalanylǵan krıptovalúta mekenjaılaryn jáne saıttaǵy barlyq habarlamalardy qamtıdy.

“Keıbir málimetter boıynsha, bul derekter resýrs burynǵy ákimshisi Konor Braıan Fıtspatrıdiń derekter bazasynyń saqtyq kóshirmesinen alynǵan. Sonymen qatar, forým qatysýshylarynan kelgen túrli habarlamalar bar. Bir habarlamada mańyzdy qazaqstandyq bank buzylǵany aıtylǵan. Qazirgi ýaqytta quqyq qorǵaý organdary osy derekter bazasyna ıe”, – dep málimdedi tergeý ortalyǵynyń negizin qalaýshy Oljas Satıev.

Tarap ketken derekterdiń ishinde qazaqstandyq resýrstardyń da derekteri tabyldy:

• qyzmet kórsetý stansıasyn basqarý bazasynyń taralýy — Reseı men Qazaqstan — SQL rezervtik kóshirmesi, qoljetimdilik jáne SCADA;
• Spark kólik-logıstıkalyq kompanıasynyń derekteri;
• Shákárim atyndaǵy ýnıversıtettiń stýdentteri men talapkerleriniń derekter bazasynyń taralýy;
• 2022 jyldyń 24 maýsymyndaǵy B2B 2GIS Qazaqstannyń tolyq derekter bazasynyń taralýy;
• Qazaqstan men Reseıdegi Yandex Food paıdalanýshylarynyń derekteriniń taralýy;
• 2021 jylǵy Qazaqstan men Reseıdegi Fonbet býkmekerlik kompanıasynyń paıdalanýshylarynyń derekteriniń taralýy.

Eske salaıyq, Qazaqstanda jeke derekter alaıaqtardyń qolyna túsip, sıfrlyq qaýipsizdikti buzý jaǵdaılary jıilep ketken. Inovasıalyq ádisterdi qoldana otyryp, olar qarapaıym paıdalanýshylardyń akkaýnttaryn buzyp, olardyń jeke jáne qarjylyq qaýipsizdigine úlken qaýip tóndiredi.