Kólik mınıstrliginiń málimetinshe, qabyldaýǵa kelgen azamattar áýejaılar men temirjol vokzaldarynda erekshe qajettiligi bar jandarǵa qyzmet kórsetýge, sondaı-aq kúre joldarda atqarylyp jatqan jóndeý jumystaryna qatysty máseleni kótergen.

Máselen, Atyraý qalasynyń turǵyny elimizdegi temirjol vokzaldarynda erekshe qajettiligi bar jandarǵa qyzmet kórsetetin arnaıy kasalardyń bolmaýy máselesin kóterip, shaǵymdandy. Jalpy búgin el aýmaǵynda 300-den astam temirjol vokzaly jumys isteıdi. Olardyń birnesheýi ǵana arnaıy kasalarmen jabdyqtalǵan. Kólik mınıstrligi temirjol jáne sý kóligi komıtetiniń qyzmetkerlerine barlyq vokzaldardy tekserip shyǵý jáne temirjol vokzaldarynda erekshe qajettiligi bar jandarǵa qyzmet kórsetetin arnaıy kasalardy ornatý máselesin qolǵa alýdy tapsyrdy. Birinshi kezeńde mamandar iri temirjol vokzaldaryn, sodan keıin shaǵyn stansıalardy tekserip shyǵady. Vokzaldardy tekserý jumystary bastaldy. Sonymen qatar Marat Qarabaev jolaýshylardyń shaǵymdarynan keıin Aqtaý, Astana jáne Aqtóbe qalalarynyń áýejaılaryn retke keltirýdi tapsyrdy. "Birinshi kezekte bul áýejaılarda tazalyq pen tártip ornatý qajet. Áýejaılardyń basshylyǵyna eskertý", - dedi Marat Qarabaev.