Qorǵanys mınıstrligine temir jol jáne avtojoldar boıynsha áskerı tehnıkany kóshirý týraly eskertildi, dep jazady Qamshy.kz aqparattyq agenttigi.

3-6 maýsym aralyǵynda QR Qarýly kúshteri bólimsheleriniń jaýyngerlik daıyndyǵy boıynsha jattyǵýlar ótkiziledi. Jeke quram men jaýyngerlik tehnıkany ártúrli óńirlerdegi polıgondarǵa sherýmen jáne temir jolmen aýystyratyn bolady.

Jattyǵý barysynda bólimderdiń belgilengen merzimde maqsaty boıynsha mindetterdi oryndaý qabilettiligi men úılesimdiligi, áskerı qyzmetshilerdiń daıyndyǵy, sondaı-aq komandırlerdiń baǵynysty jáne berilgen bólimshelerdi basqarý daǵdylary baǵalanady.

"Osyǵan baılanysty áleýmettik jelilerdi paıdalanýshylardan áskerı tehnıkanyń qozǵalysy týraly jalǵan habarlamalar men beınematerıaldardy taratpaýdy jáne tek resmı aqparat kózderine senýdi suraımyz", - dep habarlady Qorǵanys mınıstrligi.