64 jastaǵy qazaqstandyq velosherýdi mamyr aıynda bastaǵan. Kópkúndik saıahat Aqtaýdan bastalyp, Parıjdegi Trıýmf arkasynda aıaqtaldy.

"Olımpıadaǵa barý – armandarymnyń biri edi. Jas kúnimde armanymdy júzege asyrýǵa múmkindigim bolmady, alaıda bıyl sonyń sáti túsip tur eken. Jańbyrǵa tótep berý, shekaradan jáne qala arqyly ótýge ýaqyt pen shydam qajet, biraq men óz degenime jettim", - dedi Rábbim Borashev.

Velosıpedshi aldymen Aqtaýdan Bakýge, sodan keıin Grýzıa arqyly maýsymda Túrkıaǵa jetken. Ári qaraı Majarstan, Aýstrıa jáne Germanıa arqyly Parıjge tabany tıdi.

Rábbim Borashev zeınetkerlik jasqa deıin qurylys salasynda jumys istegen. Keıingi jyldary velosportpen turaqty aınalysyp, birneshe ret jarystarǵa da qatysyp úlgergen.