Bas prokýror H áleýmettik jelisindegi paraqshasynda sot tóreliginen jasyrynǵan adamdardy izdestirý kúsheıtiletinin jetkizdi. Aıtýynsha prokýrorlar adamdar kóp jınalatyn jerlerde beınebaqylaý kameralaryn baqylaý arqyly 53 qashqyndy tanyp, ustaý sharalaryn qabyldady.

Berik Asylov endi bul jumysqa jasandy ıntellekt te qosylatynyn jetkizdi. 

"Bıyl tamyz aıynan bastap Almaty men Atyraý qalalaryndaǵy beınebaqylaý kameralaryna biz qashqyn qylmyskerlerdi, boryshkerlerdi jáne habar-osharsyz ketkenderdi avtomatty túrde taný boıynsha AI elementterimen IT-ázirlemeni qostyq. Eki kún ishinde tergeýden jasyrynǵan 2 adam jáne habar-osharsyz ketken 2 adam tanyldy", – dedi Berik Asylov.

Ol AI kómegimen kameralar arqyly tipti syrtqy kelbeti qatty ózgergen adamdardy da tanýǵa bolatynyn atap ótti. Endi barlyq óńirlerde tulǵany taný júıesin engizý tapsyryldy.

Bas qadaǵalaý organynyń málimetinshe, qazir 9 myńnan astam adam izdeýde, onyń ishinde 2,2 myńy qylmysker jáne 2 myńy joǵalǵandar.