«Taza Qazaqstan» aksıasy aıasynda «Almaty jazy» ekologıalyq estafetasy ártúrli jastaǵy sportshylar men salaýatty ómir saltyn súıetinderdi biriktiredi. 

400 myńnan astam qala turǵyny qatysqan kóktemde bastalǵan «Almaty – bizdiń ortaq úıimiz» naýqany «Almaty jazy» jazǵy ekoaksıasymen jalǵasty. Qalany kóriktendirý boıynsha aýqymdy aksıa aıasynda sýburqaqtar, ózender, sý aıdyndary men jaǵalaý aımaqtary tazartyldy.

Bul kúnderi tabıǵatqa, jalpy qalalyq nysandarǵa uqypty qaraý mádenıetin tárbıeleýge baǵyttalǵan ekologıalyq is-sharalardyń jańa kezeńi bastalady. Jaz kúnderi adam kóp baratyn taýǵa, ózen jaǵalaýyna, saıabaqtar men skverlerge erekshe nazar aýdarylady.

«Almaty jazy» ekoestafetasy «Medeý» shatqalyndaǵy demalys ornynan bastalady. Munda tanymal sportshylar, belsendi qala turǵyndary men taýdy jaqsy kóretinder taýǵa shyǵý men kópshilik oryndardaǵy júrip-turý mádenıeti týraly áńgimeleıdi. Olarǵa Medeý men Shymbulaq qyzmetkerleri qosylady.

Taı boksynan 2023 jylǵy álem birinshiliginiń jeńimpazy Tomırıs Satybaldy; júzýshi, 2016 jylǵy Olımpıada chempıony Dmıtrıı Balandın; jıý-jıtsýdan eńbek sińirgen sport sheberi Erdan Tileýbetov; «Almaty marafonynyń» ókili Saltanat Qazybaeva; karate kıokýshınkaıdan álem Kýbogynyń chempıondary men qola júldegeri Dáýletbek Elhan, Mıhaıl Babaev jáne Sabına Ornyqbaeva; álpınıs Oleg Chebotarev; álpınıs, balalar men jasóspirimder týrızminiń nusqaýshysy Dıana Frolova jáne t.b. ekoestafetaǵa qatysty.

Dmıtrıı Balandın ekologıalyq aksıaǵa qoldaý bildirip, qala turǵyndaryn belsendi atsalysýǵa shaqyrdy.

«Búgin «Taza Qazaqstan» aksıasy aıasynda biz jaı ǵana tazalyq jumystaryn júrgizip qana qoımaı, ásem qalamyzdyń turǵyndary men qonaqtaryn tabıǵat pen qalaǵa uqypty qaraýǵa shaqyramyz, olar bizge ǵana emes, balalarymyz ben nemerelerimizdi de qýantady. Estafetaǵa kóptegen azamattyń, tipti jas balalardyń da qatysqany qýantady. Birlesip qalamyz ben Qazaqstanymyzdy taza ustaıyq!», - dedi ataqty sportshy.

«Birinshi bolý – batyldyq» KQ-nyń atqarýshy dırektory Saltanat Qazybaeva aýmaqty jınaý bir rettik aksıa emes ekenin, qala turǵyndary men belsendileri megapolısti taza ustaýǵa, ekologıalyq is-sharalarǵa qatysýǵa tıis ekenin atady, óıtkeni tazalyq – mádenıettiń basty kórsetkishi.

«Almaty-Marafon» komandasy «Taza Qazaqstan» bastamasyn qoldaıdy. Bul óte keremet bastama. Biz úıimizdi tazalyq pen tártip saqtap qana qoımaı, týrıser úshin, qala turǵyndary men elimiz úshin tazalyq mádenıetin qalyptastyrýymyz kerek. Tek osyndaı sharalarmen, osyndaı tásilmen tabıǵatty saqtaı alamyz. Sondyqtan «Taza Qazaqstan» bastamasyn qýana qoldaımyz. Biz taýǵa shyǵatyn barlyq týrısi árqashan artyn tazalap, qoqysty ózimen birge alyp ketýge shaqyrǵymyz keledi. Mundaı bastamalar tazalyq mádenıetin qalyptastyrýy kerek», - dedi ol.

Medeý shatqalyndaǵy «Almaty jazy» ekologıalyq estafetasyna 100-den astam adam qatysty, onyń ishinde «Jasyl el» eńbek jasaǵynyń músheleri, álpınıser, sportshylar, sport mektebiniń oqýshylary, «Almaty marafony», «Shymbulaq» taý-shańǵy kýrortynyń qyzmetkerleri bar.

Birlesken kúshtiń arqasynda shamamen 10 tekshe metr qoqys jınaldy. Estafeta kisi aıaǵy úzilmeıtin basqa kópshilik orynda jalǵasyp jatyr.