5 kúdikti qamaýǵa alyndy.

Ulttyq qaýipsizdik komıteti Astana qalasynda, Almaty jáne Batys Qazaqstan oblystarynda Qazaqstannyń 5 azamaty ustalyp, sot sanksıasymen qamaýǵa alyndy, dep habarlady UQK baspasóz qyzmeti.
Tergeý nusqasy boıynsha olar terrorlyq áreketterdi uıymdastyrý maqsatynda terorızmdi nasıhattaýǵa, dinı alaýyzdyqty qozdyrýǵa jáne adamdardy tartýǵa qatysqan.

"Turǵylyqty jerlerin tintý kezinde qarý-jaraq, oq-dáriler, dinı ádebıetter jáne ózge de zattaı dáleldemeler alyndy"  dep jazylǵan habarlamada.

Aıta keteıik, kúdiktilerdiń ekeýi kisi óltirý, tonaý jáne buzaqylyq úshin buryn sottalǵan. Taǵy bireýi lańkesterdiń sheteldik lagerlerinde daıyndyqtan ótip, shet memleket aýmaǵynda qarýly qaqtyǵystarǵa qatysqan.
Qylmystyq kodekstiń 174, 256, 259-baptary boıynsha sotqa deıingi tergep-tekserý júrgizilip jatyr.
Qylmystyq-prosestik kodekstiń 201-babynyń 1-bóligine sáıkes ózge aqparat jarıa etilmeıdi.