Oqý-aǵartý mınıstrligi Sara Nazarbaeva ashqan "Bóbek" ulttyq ǵylymı-praktıkalyq, bilim berý jáne saýyqtyrý ortalyǵyn "Úzdiksiz ınklúzıvti bilim berýdiń ulttyq ǵylymı-praktıkalyq ortalyǵy" sharýashylyq júrgizý quqyǵyndaǵy respýblıkalyq memlekettik kásiporny etip qaıta qurýdy josparlap otyr. Qazirgi tańda qujat jobasy Ashyq NQA portalynda  talqyǵa shyǵaryldy. 

"Ortalyqty qurý ınklúzıvti bilim berý boıynsha ǵylymı-zertteý qyzmetin jáne mektepke deıingi, bastaýysh, negizgi orta, jalpy orta, tehnıkalyq jáne kásiptik, orta bilimnen keıingi bilim berý deńgeılerinde bilim berý uıymdaryn ádistemelik qamtamasyz etedi", – delingen resmı málimdemede.

Sonymen qatar, atalǵan kásiporyn ǵylymı jáne ǵylymı-tehnıkalyq jobalar boıynsha granttyq qarjylandyrýǵa arnalǵan konkýrstarǵa qatysý quqyǵyna ıe bolyp, ınklúzıvti bilim berýdi damytýdyń ózekti máseleleri boıynsha zertteýler júrgizedi.