Osy oraıda, Bostandyq aýdanynyń ákimi Sanjar Meńdibaıuly turǵyndarmen kezdesti. Jınalys arasynda turǵyndar jańa mekteptiń orys-qazaq tilinde aralas bolýyna narazy ekendikterin bildirdi. Olardyń aıtýynsha, Bostandyq aýdanynda qazaq mektepteri joqtyń qasy. Al orys tilinde bilim beretin mektepter óte kóp. Atap aıtsaq, №38, №125, №63 mektepter bar. Al qazaq tilinde tek 146 mektep-lıseıi ǵana bolǵandyqtan, bir synypta 30-35 oqýshyǵa deıin oqýǵa májbúr, deıdi mekteptiń qazaq tildi bolýyn qoldaıtyn turǵyndar.

Bostandyq aýdanynyń turǵyny Qanat Qýanyshuly:

- Jańadan salynyp jatqan mektep aralas bolady ma, oryssha bolady ma, túsinbeı jatyrmyz. Bastapqyda bul mektepti qazaq mektebi bolady dep qýanyp edik, – deıdi.

Turǵyndardyń saýalyna jaýap bergen ákim Sanjar Meńdibaıuly bul máseleni aýdan ákiminiń quzyryna kirmeıdi dep jaýap berdi. Ol jaýabynda: «Sizder bul máseleni Bilim basqarmasyna joldańyzdar.  Sheshetin sol kisiler. Aýdan ákimi emes» deıdi.

Eger de balam qazaq tilinde oqysyn degen turǵyndardyń ótinishi 1500-ǵa deıin jetse, jańa mektep qazaq tilinde ashylady. Ázirge 800 oqýshy  jınalǵan. Biraq orys tilinde bilim alamyn degen oqýshylardyń sany bir synypta 5 oqýshydan assa, onda mektep aralas bolyp ketýi de yqtımal.

 

 

 

Posmotret etý pýblıkasıý v Instagram

 

 

 

Pýblıkasıa ot Qamshy.kz (@qamshy.media)