Bankır Erjan Tátishevti óltirgeni úshin sottalǵan kásipker Murathan Toqmádı merziminen buryn bostandyqqa shyǵady. Bul týraly Almaty oblystyq sotynyń baspasóz qyzmeti habarlady.
"Sot Murathan Toqmádıdiń merziminen buryn shartty túrde bosatý týraly ótinishin qanaǵattandyrdy", – delingen resmı habarlamada.
Aıta keteıik, Murathan Toqmádı 2004 jyly bankır Erjan Tátishevti óltirgeni úshin sottalǵan edi. Oǵan "abaısyzda adam óltirdi" degen aıyp taǵylǵan. 2017 jyly qylmystyq is qaıta qaralyp, kásipker taǵylǵan aıypty moıyndaǵan bolatyn. 2018 jylǵy naýryzda sot úkimimen Murathan Toqmádı 10,5 jylǵa bas bostandyǵynan aıyrylǵan.
