Gambýrgtegi Býndesver aımaqtyq qolbasshylyǵynyń qolbasshysy Mıhael Gıss Welt basylymyna bergen suhbatynda Germanıanyń bes jyldan keıin Reseımen aradaǵy soǵysqa daıarlyqty bastaý keregin aıtty Onyń sózinshe, qazirgi ýaqytta nemis saıasatkerleriniń basty mindeti – soǵysqa daıyndalý.

“Meniń soldat retinde ýaqytym aıaqtalyp keledi. Sondaı-aq men bes jyldan keıin bizdiń qoǵam syrtqy áskerı qaýipke tótep bere alatyndaı jaǵdaıda bolý keregin túsinemin”, – deıdi Mıhael Gıss.

Onyń aıtýynsha, geografıalyq ornalasýyna baılanysty Germanıa Reseımen soǵys bolǵan jaǵdaıda NATO áskerlerin shyǵys qaptalǵa ótkizetin jerge aınalady.

"Bul – saıasat, býndesver, ekonomıka jáne qoǵam úshin úlken ortaq mindet. Sondaı-aq bul Germanıadaǵy eń úlken port NATO kúshterine fýnksıonaldylyq pen qoldaý kórsetý úshin paıdalanylatyn Gambýrgtegi mańyzdy ınfraqurylymǵa da qatysty”, – deıdi ol.

Dese de kapıtan eki el arasynda áskerı qaqtyǵysty qozdyrmaı, utymdy qadam jasaýǵa shaqyrdy. 

"Biz beıbit ómir súrip jatyrmyz, bizde fýtbol chempıonaty boldy, Olımpıada oıyndary bar, sondaı-aq Maıorkaǵa demalýǵa baramyz. Munyń bári jaqsy jáne solaı bolýy kerek. Biraq biz Germanıa men Eýropaǵa qaýip tónip turǵany jaıly halyqty habardar etýimiz kerek”, – deıdi Mıhael Gıss.