Petısıa avtorlarynyń pikirinshe, qazaqstandyqtar qarjylyq qyzmetterdi sıfrlandyrýdyń mundaı túrine áli daıyn emes.

«Onlaın nesıelerdiń ońaı qol jetimdiligi halyqtyń osal toptary arasynda qaryz júktemesiniń ósýine jáne qarjylyq turaqsyzdyqqa ákeledi. Joǵary paıyzdyq mólsherlemeler men ashyq aıqyn emes nesıe sharttary kóbinese adamdardy qaryzǵa batyrady. Qaryz shuńqyryna túsýden bólek, onlaın-nesıe alaıaqtyq, urlyq jáne bopsalaý sıaqty qaryzdy óteý joldarymen baılanysty qylmystardyń kóbeıýine alyp keledi», - delingen habarlamada.

Sondaı-aq, petısıa túsindirmesinde áskerı qyzmet jaǵdaıynda onlaın kredıt májbúrleý jáne qarjylyq zorlyq-zombylyq kórsetý quralyna aınalatyny aıtylǵan.

Avtorlar onlaın-kredıtter berýge tyıym salýdy ǵana emes, sonymen qatar mıkrokredıtter berý salasyndaǵy zańnamanyń saqtalýyn baqylaýdy kúsheıtýdi talap etedi.

Keshe jarıalanǵan petısıa 6 qyrkúıekke deıin kópshiliktiń talqysyna usynylyp otyr. Qazir petısıa 581 qaralym jınady, ázirge eshkim pikir qaldyrmaǵan.