Las sýdyń aǵýy týraly aqparatty NHK telearnasy Tokyo Electric Power (TEPCO) stansıasynyń operatoryna silteme jasap habarlady. Ol ekinshi reaktorda paıdalanylǵan ıadrolyq otyndy salqyndatý kezinde baseındegi sý mólsherin esepteý úshin paıdalanylatyn rezervýardaǵy sý deńgeıi tómendegende anyqtaldy. Baseındegi sý deńgeıi qalypty.

Reaktor ǵımaratyn tekserý kezinde káriz júıesi arqyly jertólege 25 tonnaǵa jýyq sý aqqany anyqtaldy. Alaıda syrtqa aqpaǵan.

Otyndy salqyndatý úshin baseınge sý aıdaý toqtatyldy, alaıda, kompanıa bul otynnyń maksımaldy temperatýrasy 65 gradýs Selsııden aspaıtynyn málimdedi. Keıin tolyq tekserý úshin ekinshi energobloktyń ǵımaratyna robot engiziledi.

Fýkýsıma-1 atom elektr stansasynda 2011 jylǵy qýatty sýnamıden keıin apat bolyp, onyń elektrmen jabdyqtaý jáne salqyndatý júıelerin isten shyǵarǵan bolatyn. Sonyń saldarynan qorǵanys qabattary arqyly janyp ketken úsh energobloktyń reaktorlarynda ıadrolyq otyn balqyp ketti. Bul tórtinshi energoblokty zaqymdaǵan sýtegi jarylystarymen qatar júrdi. Sonymen birge stansıaǵa irgeles aýmaqtardyń lastanýyna ákelgen úlken kólemdegi radıoaktıvti zattar shyǵaryldy.

Atom elektr stansasyn qaıta jóndeý jumystary 2050 jylǵa deıin aıaqtalady dep josparlanǵan.