Petısıa epitition.kz portalynda jarıalanǵan. Petısıa avtory joǵary synyp oqýshylarynyń mektep formasyna qoıylatyn talaptardy qaıta qaraýdy suraıdy. 

Usynysta oqýshy qyzdardyń beldemsheleriniń uzyndyǵyna tizeden tómen bolýy jáne syrtqy kıimderiniń moıyn syzyǵyn jaýyp turýy kerek ekeni aıtylǵan. 

Petısıa avtory elimizde mindetti mektep formasyn saqtaý máseleleri únemi talqylanyp jatqanyn, "memlekettiń zaıyrly negizderin, Qazaqstandaǵy ulttyq biregeılikti, konfesıaaralyq jáne ultaralyq kelisimdi nyǵaıtý maqsatynda" keıbir erejelerdi qaıta qaraý qajettigin aıtady.

"Elimizde zańnamalyq deńgeıde dinı senimderdi joqqa shyǵaratyn mindetti mektep formasy belgilengen. Degenmen, qoǵamda dinı rámizderi bar kıimdi kıýge jol bermeý bóliginde mektep formasyn saqtaý mindettiligi zań deńgeıinde bekitilmegen, tek zańǵa táýeldi aktilerge ǵana qatysty degen jalǵan aqparattar men tuspaldaýlar jıi kezdesedi. Osyǵan oraı, keleshekte mundaı aıla-sharǵylardy joıý úshin mindetti mektep formasyna qoıylatyn talaptardy Zań mátinine tikeleı engizý usynylady", – delingen petısıa mátininde.

Petısıa 13 tamyz kúni jarıalanǵan. Ázirge petısıaǵa 50-ge jýyq qol jınalǵan.