Bilim berý granttary jańa 2024-2025 oqý jylyna jergilikti búdjet qarajaty esebinen bólindi. Komısıanyń sheshimimen bilim berý granttarynyń ıegerleri anyqtaldy.

Óńirde suranysqa ıe mamandyqtarǵa bólingen 40 orynǵa jalpy 23 úmitker qujat tapsyrǵan.

Igerilmeı qalǵan grant oryndaryn (orys tili men ádebıet pániniń muǵalimderi, veterınarıa, sý resýrstary men balyq sharýashylyǵy, mýzykalyq rejıssýra) suranysy joǵary mamandyqtarǵa qosymsha bólý usynyldy.

Jergilikti atqarýshy organnyń memlekettik tapsyrysymen joǵary oqý ornyn bitirgen maman oblystyń kez-kelgen kadr tapshylyǵy oryn alǵan jerge baryp, kelisimshart negizinde 5 jyldan kem emes ýaqyt jumys isteýi qajet.

Grant ıegerleri tizimde kórsetilgen joǵary oqý oryndaryna 25 tamyzǵa deıin qujat tapsyrýlary kerek.